Monday, August 12, 2013

သတ်ပုံမှားတဲ့ နေ့


   

          ကိုဘသောင်းဘ၀မှာ ဒီလိုအဖြစ်အပျက်မျိုး ဖြစ်ပျက်ကြုံတွေ့လာရလိမ့်မယ်လို့ ဘယ်တုန်းကမှ မျှော်လင့်မထားခဲ့ဘူး ။ ခေတ်တစ်ခေတ်ရဲ့ဘေးထွက်ဆိုးကျိုးလို ဖြစ်ရပ်တစ်ခုဟာ သူလိုအသက်အရွယ်၊ သူလိုပတ်ဝန်းကျင်နဲ့ ကင်းကင်းရှင်းရှင်းနေတတ်တဲ့ စရိုတ်ဗီဇရှိသူဆီကိုမှ ဆိုက်ဆိုက်မြိုက်မြိုက်ရောက်လာခဲ့တယ်။

အဲဒီအချိန်က ခပ်နက်နက်ရခဲ့တဲ့ဒါဏ်ရာအနာတရဟာလည်း အခုချိန်မှာတော့ ကိုဘသောင်းအတွက် အသားတကျရှိနေပြီဖြစ်တဲ့ အမာရွတ်လေးတစ်ခုသာ။ အမာရွတ်လေးကိုပြန်စမ်းလိုက်မိတဲ့အခိုက်အတန့်တိုင်း အတိတ်ကိုပြန်လှည့်သွားတဲ့ အတွေးတွေထဲကိုလည်း ကိုဘသောင်း ပေါ့ပေါ့ပါးပါးလိုက်ပါသွားနိူင်ခဲ့ပါပြီ။ ဒါပေမယ့်... အဲဒီအချိန်တုန်းကတော့.........။
++++++++++++
     “ ကျေးဇူးပြုပြီး ဖုန်းမချလိုက်ပါနဲ့ရှင် ”
     “ ဗျာ ”
     “ ဖုန်းမချလိုက်ပါနဲ့လို့ ပြောတာပါရှင် ”
     “ ဗျာ..အော် ..အင်..ဟုတ် ”
    မျှော်လင့်မထားတဲ့အသံနဲ့ မျှော်လင့်မထားတဲ့ စကားလုံးတွေကြောင့် ကိုဘသောင်းနှုတ်ဖျားက အာမေဋိတ်အသံတွေ တစီတတန်းကြီးထွက်ကျသွားတယ်။
    “ ဒီလိုပါ.. ကျွန်မဖုန်းဆက်နေတာ ဦးနဲ့ပါဆို သုံးယောက်မြောက်ရှိပါပြီ၊ပြီးတော့ ကျွန်မမှာလည်း အချိန်သိပ်မရှိတော့လို့ပါ ”
    “ဟင်..သူငယ်မ မင်းဖုန်းမှားနေပြီထင်တယ် မင်းပြောနေတာတွေ ငါဘာတစ်ခုမှနားမလည်ဘူး ”
    ကိုဘသောင်းအသံနည်းနည်းမာသွားတယ် စိတ်ကမရှည်ချင်တော့ဘူး။
    “ ကျွန်မရှင်းပြပါမယ်.. သည်းခံပြီးနားထောင်ပေးပါ ဦး ..အချိန်လည်းသိပ်မရလို့ ကျွန်မတိုတိုပဲပြောပါမယ်။ဒီနေ့ကျွန်မမွေးနေ့ပါ..မွေးနေ့လက်ဆောင်အဖြစ် ကျွန်မချစ်သူက ကျွန်မကိုဟန်းဖုန်းတစ်လုံးဝယ်ပေးပါတယ်။ဟန်းဆက်ရောဆင်းမ်ကဒ်ရောပါ။ အခုပြောနေတဲ့ဖုန်းပါ။ဖုန်းဆိုင်ကနေပြန်အထွက်မှာ ကျွန်မကိုအေးအေးဆေးဆေးပြောစရာရှိတယ်ဆိုပြီး
ဆိုင်ကယ်နဲ့တင်ခေါ်လာရာက ဒီနေရာကိုရောက်လာခဲ့တာပါ။ ဒီနေရာကိုရောက်မှ ပတ်ဝန်းကျင်အနေအထားနဲ့
သူ့အရိပ်အကဲကြည့်ရတာ မဟန်မှန်းသိလာရလို့ အခုလိုဖုန်းတွေဆက်ပြီး အကူအညီတောင်းရတာပါ ဦး.. ”
    ကောင်မလေးအသံက ၀မ်းနည်းသံလေးပါနေတယ်။ ရိုရိုကျို့ကျို့လေး။
    “ ကျွန်မမှာဖုန်းရှိတဲ့အသိမိတ်ဆွေတွေကလည်းမရှိတော့ ကြံမိကြံရာကြံပြီး နံပါတ်တွေနှိပ်ခေါ်ရင်း
ဦးနဲ့တတိယအကြိမ်မှာတွေ့ရတာပါပဲ ..အရင်နှစ်ကြိမ်မှာတွေ့တဲ့သူတွေက ဖုန်းမှားနေတယ်ဆိုပြီး ဖုန်းချပစ်လိုက်ကြတယ်..
ဦးကသမီးရဲ့နောက်ဆုံးမျှော်လင့်ချက်ပါ ဦး ”
   ကောင်မလေးအသံက မျှော်လင့်ချက်နဲ့ အနည်းငယ်တက်ကြွတည်ငြိမ်လာသလိုလို။
     “အင်း...ဒါနဲ့ သမီးရဲ့အသက်ကဘယ်လောက်ရှိပြီလဲ ”
    ကိုဘသောင်း လက်ရှိဖြစ်နေတဲ့ အခြေအနေတစ်ခုရဲ့ အဓိကအရေးကြီးဆုံးအကြောင်းအရာကို စပ်စုလိုက်တယ်။
     “ ၁၇ နှစ်ပါ ”
     “ ဟေ......သမီးကောင်လေးကရော ”
     “သမီးထက် လေးငါးနှစ်ကြီးမယ်ထင်တယ် ဦး။ သူကဆိုင်ကယ်ပေါ်မှာပြောသေးတယ်..
တစ်နေရာရောက်ရင် သူ့ဖုန်းထဲကဒေတာတွေလွှဲပေးမယ်တဲ့ ပြီးမှဖုန်းစမ်းကြတာပေါ့ တဲ့”
     “ဟေ  .. ဒုကေ်္ခာ ”
    ကိုဘသောင်း ဒုတိယအကြိမ် “ဟေ”တလိုက်မိတယ်။ ခေတ်ယောင်္ကျားရွယ်လေးတစ်ယောက်ရဲ့ ဖုန်းထဲမှာ ဘယ်လိုဒေတာတွေရှိနေနိူင်မလဲဆိုတာ မသိလောက်အောင်တော့ ကိုဘသောင်းမညံ့သေးဘူး။
    “ ချစ်သူတွေဘ၀မှာ လွန်လွန်ကျုးကျုးအဖြစ်မျိုးတွေ အဖြစ်မခံနိူင်ပါဘူး ဦးရယ်။ အဲဒါသမီးကို ကူညီပါနော် ”
    ကောင်မလေးအသံက ဖျော့ဖျော့ရွံ့ရွံ့လေး.။
     “ ဦးကဘယ်လိုကူညီရမှာလဲ ”
    “ ဒီလိုလုပ်ပါလားဦး.. ဦးကသမီးရှိတဲ့နေရာကိုရောက်လာပြီး သမီးရဲ့ဦးလေးတစ်ယောက်အနေနဲ့
သမီးကိုဆူငေါက်ပြီး ပြန်ခေါ်ထုတ်သွားရင်ကောင်းမလားလို့ ”
ကောင်မလေးအသံက တဖြေးဖြေးအင်အားတွေပြည့်လာသလို သွက်ပြီးမြန်လာတယ်။
     “ အော်..အေး .. သဘောပေါက်ပြီ .. ..သမီးတို့ရှိတဲ့နေရာက..... ”
    “ မြို့ပတ်လမ်းက ရထားလမ်းဖြတ်ကိုကျော်ပြီး လမ်းရဲ့ဘယ်ဘက် ပထမဆုံးတွေ့တဲ့ ညောင်ပင်ကြီးရဲ့ ဘေးကလမ်းအတိုင်းလာရင် တစ်ခေါ်စာလောက်က လယ်တောအစပ်မှာရှိတဲ့ တဲလေးထဲမှာပါဦး ”
     “ ဝေသားဟ  ကလေးမရဲ့.. ဒါနဲ့ မင်းအခုလိုဖုန်းပြောနေနိူင်ရအောင် မင်းရည်းစားကဘယ်ရောက်နေလို့လဲ ”
     “ ဟို ... သူ ..သူ့ကိုလမ်းပေါ်မှာထားခဲ့တဲ့ဆိုင်ကယ်က စိတ်မချရဘူးလို့။ အဲဒါ .. သွားယူလိုက်အုံးလို့ ....”
    ကောင်းလိုက်တဲ့ကလေးမရဲ့ဖြတ်ထိုးညဏ် ကိုဘသောင်းစိတ်ထဲက ကျိတ်ပြီးချီးကျုးလိုက်မိတယ်။
     “ .....အခု သူဆိုင်ကယ်သွားယူနေတုန်း .......ဟော .. ဟော သူပြန်လာနေပြီ...... သ .. သမီးဖုန်းချလိုက်တော့မယ်နော် ”
     “ အေး ... အေး ..  အော် နေဦး  ဦးကသမီးရဲ့ဦးလေးတစ်ယောက်အနေနဲ့ဆိုတော့.. သမီးရဲ့ နာမည်လေးတော့ သိထားမှ ”
     “ ဟို .. ရို့စ် ပါဦး ..ဒါ .. ဒါပဲနော် သူနီးလာပြီ ”
    အထိတ်ထိတ်အလန့်လန့် ပြောလိုက်တဲ့ အသံလေးမှာ ကိုဘသောင်းရင်ထဲ မောပြီးကျန်ခဲ့တယ်..။
+++++++++++++  
           အချိန်မီရောက်ပါ့မလားဆိုတဲ့စိုးရိမ်စိတ်နဲ့ အားစိုက်ပြီးစက်ဘီးကိုနင်းနေမိပေမယ့် လိုအပ်တဲ့မြန်နှုန်းကို အသက်အရွယ်က ကာဆီးကန့်သတ်ထားပြီလား ..။ ကိုဘသောင်းခန်္ဓာကိုယ်က အချက်ပေးခေါင်းလောင်းသံတွေနဲ့ ဆူဆူညံညံ တုံ့ပြန်နေကြတယ်။ ကိုယ့်နှလုံးခုန်သံ ကိုယ်ပြန်ကြားနေရတာမို့ စက်ဘီးနင်းအားကို အနည်းငယ်လျော့ချလိုက်မိတယ်။ဇရာရဲ့လားရာဆန့်ကျင်တုံ့ဆွဲမှုကို စောနေတဲ့စိတ်က ဘယ်လိုမှဆွဲဆောင်မထားနိုင်အောင် ကိုဘသောင်းမောဟိုက်နေတယ်။
     သင်္ကြန်ချိန်နီးကပ်လာတာနဲ့အမျှ ၀န်းကျင်အပူချိန် တရှိန်းရှိန်း မြင့်တက်နေဆဲ။ အချိန်ကလည်း နေ့လည်နှစ်နာရီ။ နေ့တစ်နေ့ရဲ့အပူဆုံးအချိန်...။ ဖြစ်လာတဲ့ကိစ်္စက ကာလံဒေသံနဲ့ ချိန်ထိုးတိုင်းဆပြီးတုံ့နှေးနေရမယ့်ကိစ်္စမျိုးမဟုတ်။
     အလောတကြီးထွက်လာမိခဲ့တော့ ထီးယူလာဖို့နေနေသာ ကိုဘသောင်း ဦးထုပ်ပင်ဆောင်းမလာမိခဲ့။ မိမိတောင် ဒီလောက်အရေးတကြီး ထွက်လာခဲ့ဖြစ်မှတော့ ရို့စ်ဆိုတဲ့ ကောင်မလေးကရော ဘယ်လောက်တောင်စိတ်စောနေပြီလဲ။ သူမရင်ထဲမှာရော ဘယ်လောက်တောင် ဗလောင်ဆူ စိုးရိမ်ပူလောင် ခံစားနေရမလဲ။သူရှိတဲ့နေရာက အမိုးအကာအရိပ်ထဲမှာဆိုပေမဲ့ သူ့ပတ်ဝန်းကျင်မှာက ရာဂမီးပင်လယ်မှာ လှိုင်းတံပိုးကြွနေတဲ့ ပုရိသတစ်ယောက်။
     အဲဒီလိုကြောက်မက်ဖွယ် လှိုင်းလုံးတွေထဲမှာ မျောပါနစ်မြုပ်၊ လောင်ကျွမ်းချုပ်ငြိမ်းသွားရတော့မယ့် မိန်းကလေးတစ်ယောက်ရဲ့ အပျိုစင်ဘ၀။ မိမိတစ်ယောက်သာ အဲဒီကောင်မလေးရဲ့ နောက်ဆုံးမျှော်လင့်ချက်... တဲ့။
     ရေနစ်တော့မယ့်လူတစ်ယောက်အတွက် ဘာအင်အားမှမရှိတဲ့ကောက်ရိုးမျှင်တစ်ချောင်းတော့ အဖြစ်မခံနိုင်ပါ။ မိမိဖြစ်ချင်တာက သစ်တစ်ပင်မှာချည်ထားတဲ့နွယ်ကြိုးလို ခိုင်ခိုင်မာမာ။
      နင်းထား ဘသောင်းရေ ... နင်းထား ။
ကိုဘသောင်း ကိုယ့်ကိုယ်ကိုအားပေးရင်း ခြေထောက်တွေကို စက်ဘီးခြေနင်းပြားပေါ် အားပြန်စိုက်လိုက်တယ်။
     စက်ဘီးကိုအားစိုက်နင်းနေဆဲ ကိုဘသောင်းစက်ဘီးလေးကို အရှိန်ပြင်းပြင်းနဲ့ဖြတ်ကျော်မောင်းနှင်သွားတဲ့ ဆိုင်ကယ်တစ်စီးရဲ့နောက်ကျောပြင်ကို ငေးကြည့်နေမိရင်း ကိုဘသောင်းတွေးနေမိတယ်။ ဆိုင်ကယ်လေးတစ်စီးရှိခဲ့ရင် ဒီလိုစိတ်မောလူမောဖြစ်ရတဲ့ အဖြစ်မျိုးတွေ ဖြစ်လာမှာမဟုတ်ဘူးလို့..။
     ကိုဘသောင်းရဲ့အိမ်တည်နေရာနဲ့ ကောင်မလေးရှိနေတဲ့နေရာက ဆိုင်ကယ်ကိုခပ်မှန်မှန်လေးမောင်းရင်တောင် အလွန်ဆုံး ငါးမိနစ်ခြောက်မိနစ်ထက်မပိုဘူး။ဘယ်လောက်အဆင်ပြေလိုက်မလဲ။ ခုတော့ တကျွီကျွီမြည်ပြီး တရွေ့ရွေ့လိမ့်နေတဲ့စက်ဘီးအို၊ အိုပြီလို့မပြောနိူင်သေးပေမယ့် ဇရာရဲ့အထုအထောင်းကို သတိအနေအထားနဲ့ စတင်ခံစားရင်ဆိုင်နေရပြီဖြစ်တဲ့ မိမိ..။ အနည်းဆုံး မိနစ်နှစ်ဆယ်အစိတ်လောက် အသော့နှင်နင်းရမယ့် ခရီးအကွာအဝေး။
     ဆိုင်ကယ်လေးတစ်စီးတော့ ကိုဘသောင်းအမှန်တကယ်ပိုင်ဆိုင်ချင်ခဲ့တာပါ။ အသက်အရွယ်လေးရလာတော့ သွားရေးလာရေးအတွက် အဆင်ပြေလွယ်ကူချင်ခဲ့သလို၊ ဟိုး.. ငယ်စဉ်အချိန်အရွယ်ကတည်းကလည်း “ဆိုင်ကယ်လေးစီးပြီး” ဆိုတဲ့ စိတ်ကူးယဉ်အိပ်မက်လေးက ရူးရူးမူးမူးရှိခဲ့တာပါ။
     ဒါပေမယ့် လွန်ခဲ့တဲ့ ခြောက်လလောက်မှာ ကိုဘသောင်းရဲ့အိပ်မက်ကလေး ပျက်ပျယ်သွားခဲ့ရတယ်။ ကိုဘသောင်းရဲ့ တစ်ဦးတည်းသော မိတဆိုးသမီးလေးကြောင့်ပေါ့..။
     သမီးလေးသူနာပြုသင်တန်းဆင်းလို့ အိမ်ပြန်ရောက်လာပြီး မကြာခင်မှာပဲ သူ့သူငယ်ချင်းတွေနဲ့အတူ မလေးရှားနိူင်ငံမှာ အလုပ်သွားလုပ်ချင်တဲ့အကြောင်း၊ ခိုင်မာတဲ့အကြောင်းပေါင်းစုံနဲ့ တင်ပြတောင်းဆိုလာတာကြောင့် သမီးရဲ့ဆန်္ဒကို ကိုဘသောင်းခွင့်ပြုခဲ့ရတယ်..။ အဲဒီမှာပဲ ကိုဘသောင်းရဲ့ဆိုင်ကယ်ဝယ်ဖို့ စုထားတဲ့ငွေလေးလည်း အဆစ်ပါသွားခဲ့တယ်။
   ခွင့်သာပြုခဲ့ရတာ ရေခြားမြေခြားမှာဆိုတဲ့အတွေးနဲ့ ကိုဘသောင်းဘယ်လိုမှ စိတ်မချနိူင်ခဲ့ဘူး။
   “ အဖေ ဒီလောက်တောင် စိတ်မချဖြစ်နေရင်လည်း သမီးနဲ့အချိန်မရွေး ဆက်သွယ်နိုင်အောင် ဖုန်းတစ်လုံးဝယ်လိုက်အဖေရာ။
သမီးပိုက်ဆံပို့ပေးလိုက်မယ်။ ဆိုင်ကယ်တော့ နောက်မှ ၀ယ်ပေါ့။ ကျန်းမာရေးလည်း ဂရုစိုက်အဖေ။ စက်ဘီးစီးပြီး အပြင်သိတ်မထွက်နဲ့။ အဖေခြေထောက်က သိတ်ကောင်းတာမဟုတ်ဘူး။ ”
     နိုင်ငံခြားရောက်ပြီး ငါးလလောက်အကြာမှာ လမ်းထိပ်အိမ်ကတဆင့် ဖုန်းပြောရင်း ကိုဘသောင်းကို သမီးက ပြောလာတယ်။ ဒီလိုနဲ့ သမီးကို စိတ်မချတဲ့စိတ်နဲ့ပဲ လက်ကိုင်ဖုန်းလေးတစ်လုံး ပိုင်ဆိုင်ခွင့်ရလာသလို ကိုဘသောင်းကတော့ ခြေထောက်မကောင်းပေမယ့် စက်ဘီးအဟောင်းလေးနဲ့ပဲ ဆက်နှစ်ပါးသွားခဲ့ရတယ်။
     ကိုဘသောင်းစိတ်မချဘူးဆိုရင်လည်း စိတ်မချချင်စရာ။ ဟီရိသြတ်္တပ်္ပတရား ကြီးမားပါတယ်။ လောကပါလတရား ထွန်းကားပါတယ်ဆိုတဲ့ မိမိတို့နိုင်ငံမှာတောင် မိန်းမပျိုကောင်းလေးတွေအတွက် အန်္တရာယ်က လက်တစ်ကမ်းမှာ။ အခုကို ကိုဘသောင်းကိုယ်တိုင် ကိုယ်တွေ့။ ကိုဘသောင်းရဲ့ အပင်ပန်းခံနိုင်မှုထက်လွန်ကဲပြီး စိုရွှဲနေတဲ့ချွေးစက်တွေက အမှတ်အသား။ ရှိသင့်ရှိထိုက်တာထက်ပိုပြီး မြန်နှုန်းမြင့်နေတဲ့ နှလုံးခုန်နှုန်းက ပြယုဂ်။ ခွန်နဲ့အားနဲ့မမျှ လှုပ်ရှားနေရတဲ့ ခြေထောက်နှစ်ဖက်က သက်သေ။
+++++++++
   ချတ်ခ်ျကျောင်းကွေ့ကြီးကို ကွေ့ဝိုက်ဖြတ်ကျော်ပြီးရင်တော့ ခရီးတစ်ဝက်ကျော်ရောက်လာပြီလို့ ကိုဘသောင်းခန့်မှန်းလိုက်မိတယ်။ အားစိုက်နင်းလျက်သား ခြေထောက်တွေကို အကွေ့မို့ အရှိန်အနည်းငယ်လျှော့ချ အမောဖြေနေမိရင်း မြို့ပတ်လမ်းထဲ                                                                                                                             ကွေ့ချလိုက်တယ်။ နဖူးပေါ်က တပေါက်ပေါက်ကျနေတဲ့ ချွေးတွေကို လက်တစ်ဖက်နဲ့ လှမ်းသုတ်လိုက်မိဆဲ စက်ဘီးက ခဲလုံးတစ်လုံးကို နင်းမိသွားတယ်။ ယိုင်သွားတဲ့စက်ဘီးကို ထိန်းလိုက်တဲ့ ခြေထောက်က နင့်ကနဲ။
   ခုလို အရေးတကြီးအချိန်မှာ အင်အားကို အသုံးချရပြီဆိုတော့ အရင်က အထိနာထားခဲ့တဲ့ ဒါဏ်ရာတွေက ကိုဘသောင်းကို ကောင်းကောင်းဒုက်္ခပေးနေကြပြီ။ နောက်ပြန်ဆုတ်လို့မရတဲ့ အခြေအနေ အချိန်အခါမှာမို့ ကိုဘသောင်း ကြိတ်မှိတ်အားတင်းရုံကလွဲပြီး ရွေးစရာလမ်းမရှိဘူး။
    အခုလိုရွေးချယ်စရာမရှိတဲ့ အခြေအနေမျိုးမှာပဲ ရို့စ်ဆိုတဲ့ကောင်မလေးရဲ့ အကာအကွယ်ဆူးတွေက အပိုင်းပိုင်းကျိုးပြတ် သွားခဲ့တာလား။ ခေတ်မုဆိုးတစ်ယောက်ရဲ့ ကြော့ကွင်းကလည်း မျက်စိလည်လမ်းမှားချင်စရာ ကောင်းနေပေလိမ့်မယ်။
   

   ဖုန်းစကရင်ပေါ်မှာ ကမာ်္ဘကြီးကိုတောင် ထည့်ထားလို့ရတဲ့ခေတ်ထဲမှာ ဖုန်းထဲမှာရှိတဲ့ပုံရိပ်တွေက နုနယ်တဲ့ပန်းကလေးတွေအတွက် အန်္တရာယ်က အများသား။ အနာဂါတ်မှာ ဒီလိုတံခါးမရှိ၊ ဓားမရှိပြူတင်းပေါက်တွေက၀င်လာမယ့် ဘေးထွက်အမှိုက်ဆိုးတွေကို ရို့စ်ဆိုတဲ့ကောင်မလေးတို့လို လူငယ်တွေက ကိုယ်ခံအားကောင်းကောင်းနဲ့ ပြန်တုံ့ပြန်သင့်တယ်လို့ တွေးမိဆဲ...။ကိုဘသောင်း ကိုယ့်ရဲ့လက်ရှိအနေအထားကိုတွေးမိရင်း ခပ်နဲ့နဲ့ပြုံးလိုက်မိတယ်။ ကမာ်္ဘအ၀ှမ်းကို ဆက်သွယ်ဖြန့်ကျက်နိုင်တဲ့ လက်ကိုင်ဖုန်းလေးကနေ ၀င်လာတဲ့သတင်းအချက်အလက်တစ်ခုကို မိမိနဲ့အတူ တုန့်ပြန်ရင်ဆိုင်နေရတဲ့ ဒိုးတူပေါင်ဖက်က ကိုယ့်သက်တမ်းရဲ့ သုံးပုံနှစ်ပုံလောက်ရှိပြီဖြစ်တဲ့ စက်ဘီးအိုလေးတစ်စီး..တဲ့။
+++++++++
     မြို့ပတ်လမ်းက လမ်းဖြောင့်ဖြောင့်ကြီးဆိုပေမယ့် ကုန်တင်ကားကြီးတွေ အ၀င်အထွက်များခဲ့လို့လားမသိဘူး။ ချိုင့်တွေ ကျင်းတွေ ခဲတွေ ကမူတွေက အများသား။ ကိုဘသောင်းစက်ဘီးကို မြေလမ်းကျဉ်းလေးပေါ် ဆွဲချတိမ်းယူပြီး ဆက်နင်းခဲ့တယ်။ စက်ဘီးကိုအရင်ကထက် ပိုမြန်မြန်နင်းနိုင်မယ် ထင်ရပေမဲ့ လမ်းပေါ်မှာရှိနေတဲ့ ဖုန်တွေသဲတွေကြောင့် တစ်ချက်တစ်ချက် စက်ဘီးက လူးလူးသွားလို့ စက်ဘီးလက်ကိုင်ကို သတိထားပြီးထိန်းနေရတယ်။ ကိုဘသောင်းရဲ့ အလောတကြီးဖြစ်နေတဲ့စိတ်ကလည်း စက်ဘီးလေးလို တလူးလူးတလိမ့်လိမ့် ။ 
    မျက်လုံးထဲ မွေးနေ့လက်ဆောင်ဆိုတဲ့ ငါးမျှားချိတ်မှာ မလူးသာမလွန့်သာ ချိတ်ပါနေတဲ့ငါးကလေး။ နောက်..နည်းပညာလက်နက် အသင့်ပြင်ပြီး အစွယ်တဖွေးဖွေးနဲ့စောင့်နေတဲ့မုဆိုး။
     ခုချိန်ဆို သူ့ကောင်လေးက သူ့ဖုန်းထဲက ဒေတာတွေ စလွှဲပေးနေပြီလား။ အဲဒီဒေတာတွေထဲက တစ်ခုခုကိုရော ဖွင့်ပြနေပြီလား။
ဒါမှမဟုတ် အဲဒီအခြေအနေတွေထက်တောင် ကျော်လွန်သွားပြီလား။ ကိုဘသောင်းစိတ်ထဲ စက်ဘီးလေးရဲ့အရွေ့က သိပ်နှေးလွန်းနေတယ်။ 
     နင်းလာခဲ့တဲ့အရှိန်ကို ရုတ်တရက်လျှော့ချလိုက်ရတယ်။ရှေ့က ရထားသံလမ်းဖြတ်မှာ ကားလမ်းသွားတံခါးကပိတ်လျက်သား။
     ရထားလာတဲ့အချိန်၊ ရထားဖြတ်တဲ့အချိန်နဲ့ဆို အနည်းဆုံး ငါးမိနစ်နဲ့ဆယ်မိနစ်ကြား ကြာမယ်။ ကိုဘသောင်း ရင်ထဲက အမောရှည်ကြီးကို မှုတ်ထုတ်လိုက်ရင်း ရထားလမ်းကူး တံခါးအနီး စက်ဘီးပေါ်က ဆင်းလိုက်တယ်။
     သံလမ်းတစ်လျှောက် ဘယ်ညာကို ကဲကြည့်လိုက်တော့ ရထားကို အရိပ်အအယောင်တောင် မမြင်ရသေး။ ကိုဘသောင်းစက်ဘီးကို ဆွဲမချီလိုက်ပြီး ရထားလမ်းတံခါးဘေးက တိုင်တိုလေးတွေပေါ်မှာ သံရိုက်ထားတဲ့ တန်းရှည်ကြီးပေါ်ကို လွှားကနဲ ခွကျော်လိုက်တယ်။ ကိုဘသောင်း ဒူးဒါဏ်ရာဟောင်းကလည်း မျက်ကနဲ။ နောက်တစ်ဖက်ကတန်းကိုလည်း လွှားကနဲ။ ဒူးဒါဏ်ရာကလည်း မျက်ကနဲ။
      “ ဟေ့လူကြီး သေချင်လို့လား။ ရထားက လာတော့မယ်။ ခင်ဗျားတို့တွေ စည်းမရှိ ကမ်းမရှိနဲ့။ သေလည်းအေးတာပဲ။ ”
    လူကြီးမို့ စာနာကူညီရမှန်းမသိတတ်ဘဲ ရထားကဘယ်ဆီနေမှန်းမသိသေး တစ်ဝတစ်ပြဲ တာဝန်ကျေနေတဲ့ တံခါးစောင့်ကို ကိုဘသောင်းစိတ်ချဉ်ပေါက်သွားတယ်။
     အိုင်တီခေတ်ကြီးလို့ အော်နေတဲ့ခေတ်ကြီးထဲမှာ ခေတ်မီဆက်သွယ်ရေး ပစ်္စည်းကိရိယာတွေကြောင့် လူသားတွေရဲ့နှလုံးသားတွေဟာ အရင်ထက် ပိုမိုနီးကပ်လာခဲ့ရဲ့လား။ ဒါမှမဟုတ်  တစ်ယောက်နဲ့တစ်ယောက် နီးကပ်လာသလိုလိုနဲ့ ပိုပြီးဝေးကွာသွားမှုကို တိုင်းတာတဲ့ ကြားခံပစ်္စည်းတွေများ ဖြစ်နေပြီလား။
     စိတ်ထဲမှာ စကားတွေ အများကြီးပြောပစ်လိုက်မိပေမယ့် ယူနီဖောင်းဝတ်တံခါးစောင့်ကို ဘာမှပြန်မပြောအားဘူး။                          ကိုဘသောင်းရှေ့ဆက်ရမယ့် ကိစ်္စက အရေးတကြီး။
     တဖြေးဖြေးဦးတည်ရာကလည်း နီးကပ်လာပြီမို့ ကိုဘသောင်းရဲ့လှုပ်ရှားမှုတွေ အရင်ကထက်ပိုအားပါလာပြီး တက်ကြွမြန်ဆန်လာတယ်။
     သံလမ်းတစ်ဖက်အရောက် စက်ဘီးကို အရှိန်ယူပြေးတွန်းရင်း စက်ဘီးပေါ်ပြန်တက်အပြီးမှာ ဟိုးအဝေး လမ်းရဲ့ဘယ်ဖက်ခြမ်း ခပ်လှမ်းလှမ်းမှာ လယ်တဲလေးကို မှိန်မှိန်ပျပျလေး ကိုဘသောင်းတွေ့လိုက်ရတယ်။
     တစ်ချိန်လုံး ဆို့တက်လာတဲ့ အမောတွေဆိုတာ ချက်ချင်းကြီးပဲ ပြေပျောက်သွားသလိုလို။ ဒူးကအနာကလည်း ရုတ်တရက်ပဲ                                                                                   ထုံဆေးအထိုးခံလိုက်ရသလိုလို။ တမဟုတ်ချင်း အင်ပြည့်အားပြည့် ကိုယ်ခံအားတစ်ခုကို ခံစားတွေ့ထိလိုက်ရသလိုလို အင်အားတွေပြန်ပြည့်ဖြိုးလာတယ်။
    မိန်းကလေးရေ... မင်းမှာရော အခြေအနေတစ်ခုကို တောင့်ခံထားနိုင်တဲ့ အင်အားလက်ကျန် ရှိနေသေးရဲ့လား။
    ကိုဘသောင်း စက်ဘီးကို ထပ်ပြီးအရှိန်မြှင့်တင်နင်းလိုက်မိတယ်။
+++++++++
     လမ်းသွယ်ကလေးထဲအရောက် ကိုဘသောင်းစက်ဘီးပေါ်ကဆင်းပြီး ယာတဲလေးဆီကို လှမ်းမျှော်ကြည့်လိုက်တော့ တစ်ဖက်ရပ်တဲလေးကို သစ်ပင်ခြုံနွယ်တွေကြားထဲမှာ သဲသဲကွဲကွဲမြင်လိုက်ရတယ်။
     တဲလေးက အမိုးကို တစ်ဖက်တည်းချပြီး မိုးထားတော့ အမိုးကိုပဲမြင်နေရပြီး တဲရဲ့တစ်ဖက်ကိုတော့ ကိုဘသောင်းမမြင်နိုင်ဘူး။ ။ ကိုဘသောင်းတစ်ချက်တွေကနဲဖြစ်သွားတယ်။နောက်ကျသွားပြီလား။ မီပါဦးမလား။ တကယ်တမ်းမျက်နှာချင်းဆိုင်တွေ့ခဲ့ရင်ရော ဘယ်ကစပြောရမလဲ။ ဦးလေးတစ်ယောက်နေရာက သဏ္ဍာန်လုပ်သရုပ်ဆောင်ရမယ်ဆိုပြန်တော့လည်း ဖြစ်မှဖြစ်ပါ့မလားဆိုပြီး ရင်ကတထိတ်ထိတ်။ ကောင်လေးကရော သူ့ရဲ့အထွတ်အထိပ်ရောက်နေတဲ့စိတ်နဲ့ တစ်စုံတစ်ခုပြုမူလာရင် ဘယ်လိုတုန့်ပြန်မလဲ။ တကယ်တမ်းကျတော့ ကိုယ်က ဆင်ခြင်တုံတရားကို ခံတပ်လုပ်ထားရတဲ့ ကျားအိုတစ်ကောင်သာသာ။
     အို ဘာဘဲဖြစ်ဖြစ်။ ကိုဘသောင်း ကိုယ့်ကိုယ်ကို အားတင်းပြီး တဲလေးဆီကို ခြေလှမ်းတွေ ဦးတည်လိုက်တယ်။
     စက်ဘီးလက်ကိုင်ကိုကိုင်ထားတဲ့ ကိုဘသာင်းရဲ့လက်နှစ်ဖက်ထဲ ချွေးစေးတွေနဲ့ စေးထန်းလို့။
++++++++++++
    ဘာမှရှိမနေဘူး။ တဲလေးရဲ့ပတ်ဝန်းကျင်မှာ ကျေးငှက်အော်သံတချို့နဲ့ လေတိုက်လို့ ရှပ်တိုက်ရွေ့နေတဲ့ ပန်းခြောက်လေးတွေ၊ သစ်ရွက်ခြောက်လေးတွေကလွဲပြီး ဘယ်သူမှရှိမနေဘူး။ ကိုဘသောင်းစိတ်ထဲ ထိတ်ကနဲ။
   

     ကျွံသွားခဲ့ပြီလား။ လွန်သွားခဲ့ပြီလား။ ပြီးဆုံးသွားပြီလား။ နှင်းဆီလေးတစ်ပွင့်ကြွေလွင့်သွားခဲ့ပြီလား။ လားပေါင်းများစွာရဲ့ ပဟေဠိထဲ ဒူးနှစ်ဖက်ညွတ်ကျချင်သွားလောက်အောင် ကိုဘသောင်း ယိုင်နဲ့သွားတယ်။
     ဘယ်သူ့ကို အပြစ်တင်ရမလဲ။ ဘယ်အခြေအနေတစ်ခုကို အပြစ်ပုံချရမလဲ။ တစ်စုံတစ်ခု ပေါက်ကွဲချင်စိတ်ကို ထိန်းချုပ်မြိုသိပ်ရင်း ရုတ်တရက်အင်အားမဲ့သလိုဖြစ်သွားတဲ့ အခြေအနေတစ်ခုမှာ တဲငယ်လေးထဲက ဖရိုဖရဲဖြစ်နေတဲ့ ကွပ်ပျစ်လေးပေါ် ခြေပစ်လက်ပစ် ထိုင်ချလိုက်မိတယ်။
     ခပ်မှန်မှန်ရှူထုတ်လိုက်တဲ့ ၀င်လေထွက်လေအသိအမှတ်မှာ အရင်ကဆူပွက်နေတဲ့ သွေးလည်ပတ်မှုတွေ အနည်းငယ် ပြေလျော့ကျသွားတယ်။ ဝေ့၀ဲတိုက်လိုက်တဲ့ လေတချို့ကပဲ ရင်ထဲက အပူတွေကို ပြယ်လွင့်သွားစေသလား။ကိုဘသောင်း တဲလေးရှေ့က ဖုန်မှုန့်သဲမှုန့်တွေနဲ့ရောထွေးနေတဲ့ ပန်းခြောက်လေးတွေကိုပဲ အသိမဲ့ငေးစိုက်ကြည့်နေမိတယ်။
    ဆိုင်ကယ်ဘီးရာ..၊ အမှတ်အသား...။
    ကိုဘသောင်း ရုတ်ချည်းထပြီး တဲပတ်ဝန်းကျင်ကို အလျင်အမြန် လှည့်ပတ်ရှာဖွေကြည့်လိုက်တယ်။
    မရှိဘူး။ ဘာဆိုင်ကယ် ဘီးရာမှရှိမနေဘူး။ ရုတ်တရက်.... အကြောင်းချင်းရာတစ်ခုဟာ ကိုဘသောင်းရဲ့အတွေးထဲ ပထမဆုံးသံသယနဲ့ဖြတ်ပြေးသွားတယ်။ ဒါ တစ်စုံတစ်ယောက်ရဲ့ အစီစဉ်တကျ လှည့်ဖျားမှုလား။ကိုဘသောင်း ကျင်ကနဲ ခေါင်းနပန်းကြီးသွားတယ်။ ထောင်းကနဲထွက်လာတဲ့ဒေါသက နောက်ကကပ်ပါလာသလား။ အမော...၊ ရှက်ရွံ့ခြင်း၊ မခံချင်ဖြစ်ခြင်း၊ အံ့သြမင်တက်ခြင်းတွေက ထပ်လောင်းပေါင်းစပ်လိုက်သလား။ ခံရခက်တဲ့ ခံစားချက်လှိုင်းတွေထဲ မွန်းကြပ်ပိတ်လှောင်ခံလိုက်ရသလို ဆောက်တည်ရာမဲ့ဆဲ......။
    “ ဟင်.. စာရွက်ခေါက်လေးတစ်ခု...”  အရင်ကဘာလို့မတွေ့မိခဲ့ပါလိမ့်။
    လေးတွဲ့တုံ့ဆိုင်းနေတဲ့အတွေးတွေနဲ့ အိမ်ပြန်ဖို့ ကွပ်ပျစ်လေးပေါ်က မတ်တပ်အရပ် ကိုဘသောင်းရဲ့အကြည့်ထောင့်စွန်းမှာ ရိပ်ကနဲတွေ့လိုက်ရတယ်။ တဲရဲ့ထောင့်စွန်းနား ကွပ်ပျစ်လေးရဲ့ အနားအကွပ်မဲ့နေတဲ့ ၀ါးခြမ်းပြားလေးနှစ်ခုကြားမှာ မြင်ရတယ်ဆိုရုံလေး ညပ်လို့...။ဒီနေရာဟာ အခုလို စာရွက်ခေါက်လေး အလိုအလျောက်ရှိနေရမယ့် နေရာမဟုတ်ဘူးဆိုတာ ကိုဘသောင်းအာရုံထဲ ဒက်ကနဲ ထိုးထွင်းသိမြင်လိုက်တယ်။ ဒါဆို သူတို့ဒီနေရာကိုရောက်လာခဲ့တာ သေချာပြီပေါ့။ ကိုဘသောင်းထင်မြင်ခဲ့တဲ့ လှည့်ဖျားမှုတစ်ခုဆိုတာ မဟုတ်ဘူးပေါ့။
   သူတို့ ရုန်းရင်းဆန်ခတ်ဖြစ်ရင်း ထွက်ကျကျန်ခဲ့တာလား။ ဒါမှမဟုတ် ကောင်မလေးက ဖုန်းထပ်ဆက်ဖို့အခွင့်မသာခဲ့လို့ စာရွက်ခေါက်လေးနဲ့ သတင်းစကားပါးခဲ့တာလား။ မေးခွန်းပေါင်းများစွာနဲ့ ကိုဘသောင်း စာရွက်ခေါက်လေးကို အပြေးလှမ်းယူလိုက်တယ်။
 " 1 Aprial "
    စာရွက်လေးကိုကြည့်ရင်း ရုတ်တရက် ကိုဘသောင်း ဘာအဓိပ်္ပါယ်လဲဆိုတာ ဘယ်လိုမှ စဉ်းစားမရဘူး။
    နောက်တော့ ကိုဘသောင်း သဘောမပေါက်ချင်ဘဲ နားလည်သဘောပေါက်လိုက်ရတော့တယ်။သက်ပြင်းရှည်ကြီးကို မှုတ်ထုတ်လိုက်မိဆဲ မှုတ်ထုတ်လိုက်တဲ့လေပူတွေထဲ ကိုယ့်ကိုယ်ကို စိတ်ပျက်လက်ပျက်ဖြစ်ခြင်းတွေ၊ ရို့စ်ဆိုတဲ့ ကောင်မလေးအပေါ် ထွက်နေတဲ့ဒေါသတွေ ပါမသွားမှန်း ကိုဘသောင်း ကိုယ့်ကိုယ်ကို သိနေတယ်။
+++++++++++
    “တီ.. တီ.. တီ.. တီ”
    သုံးဘီးဆိုင်ကယ်တစ်စီး ဟွန်းသံပေးပြီး ကိုဘသောင်းကို အတင်းဖြတ်ကျော်တက်လာတာကြောင့် စက်ဘီးကို လမ်းဘေးချပေးလိုက်ရတယ်။ ကျော်တက်အပြီး “၀ါး..ကနဲ” ပွဲကျသလို ရယ်လိုက်တဲ့ ရယ်မောသံတွေကြောင့် အင်အားမဲ့၊အသိမဲ့
ခေါင်းငိုက်စိုက်ချပြီး စက်ဘီးနင်းလာခဲ့တဲ့ ကိုဘသောင်းတစ်ယောက် ဆတ်ကနဲခေါင်းထောင်ပြီးကြည့်လိုက်မိတယ်။
    မိန်းကလေးတစ်သိုက်။ ကိုဘသောင်းကို လှောင်ပြောင်ရယ်မောလိုက်ကြတာလား။ အင်္ကျီအနီဝတ်နဲ့ နောက်ဆုံးကထိုင်နေတာ ရို့စ်ဆိုတဲ့ကောင်မလေးများလား။ အားလုံး တက်ညီလက်ညီ ပျော်ရွှင်နေကြတာတော့ အသေအချာ။ ဒါပေမယ့်မြင်ကွင်းထဲ ဘာမှထင်ထင်ရှားရှားမတွေ့ရဘူး။ ခံဝန်အားနဲ့မမျှအောင်တင်ထားတဲ့ တရုတ်နိူင်ငံလုပ် သုံးဘီးဆိုင်ကယ်လေးရဲ့အိတ်ဇောက အူနေအောင်ထွက်တဲ့မီးခိုငွေ့တွေထဲ ပုံရိပ်တွေအားလုံးက မှုန်ဝါးဝါး..။
    ဘာမှ သဲသဲကွဲကွဲ မမြင်လိုက်ရခင်မှာပဲ သုံးဘီးဆိုင်ကယ်လေးဟာ ကိုဘသောင်းရဲ့မြင်ကွင်းထဲက တရွေ့ရွေ့ပျောက်ကွယ်သွားတယ်။
++++++++++++++++++++++
    “ လူကြီးမင်းခေါ်ဆိုသော တယ်လီဖုန်းမှာ စက်ပိတ်ထားပါတယ်ရှင်...”
     ကိုဘသောင်း နှုတ်ခမ်းတစ်ဖက်ကို တွန့်ပြီးပြုံးလိုက်မိတယ်။ လူတစ်ယောက်ကို ပိပိရိရိ လိမ်ညာလှောင်ပြောင် ရယ်ပွဲဖွဲ့နိုင်ခဲ့သူတစ်ယောက်ဟာ ခုလိုအချိန်ရောက်တဲ့အထိ ဖုန်းပိတ်ထားဖို့ မေ့လျော့မနေနိုင်ဘူးဆိုတာ ကိုဘသောင်းကောင်းကောင်းကြီးသိတယ်။
     ဖုန်းဖွင့်ထားရင်လည်း ကိုဘသောင်းဖုန်းနံပါတ်နဲ့ ခေါ်နေသရွေ့ ဖုန်းကိုဘယ်တော့မှ ကိုင်မှာမဟုတ်ဘူးဆိုတာကိုလည်း ကိုဘသောင်း ကြိုသိနေတယ်။
     ဒါပေမယ့်...တစ်ချိန်ချိန်၊ မင်းကလေးရဲ့ ဖုန်းပြန်ဖွင့်ထားမယ့်တစ်ချိန်ချိန်။ တခြားဖုန်းတစ်လုံးက ဖုန်းခေါ်ပြီး မင်းတို့ရေးထားခဲ့တဲ့ စာရွက်ပေါ်က အင်္ဂလိပ်စာကြောင်းလေးဟာ ဩဓ ဗစမငေူဓ ဆိုတဲ့စာလုံးပေါင်းမှာ " a " တစ်လုံးပိုနေပြီး " 1 " ကို " April " ရဲ့ရှေ့မှာရေးချင်ရင် "1 " ဆိုတဲ့ ဂဏန်းရဲ့ ညာဘက်အပေါ်မှာ  " st " ကိုဖြည့်စွက်ပြီး  " 1 st "  လို့ ရေးရတယ် မနှင်းဆီတို့ရေ..လို့၊ မျက်လုံးစုံမှိတ်ပြီး ခေတ်ရှေ့မှာပြေးနေတဲ့မင်းတို့ကို ပြောဖြစ်အောင်ပြောပြရဦးမယ်။
     ကိုဘသောင်း သူ့စိတ်ကူးကို သူကိုယ်တိုင် ကျေနပ်အားရသွားသလို ပြုံးလိုက်မိဆဲ၊ အသံသဲ့သဲ့ပဲ ထွက်ကျသွားသလား။ အခန်းထောင့်မှာထောင်ထားတဲ့ ကိုဘသောင်းရဲ့စက်ဘီးအိုလေးက ကိုဘသောင်းကို နားမလည်နိုင်သလို တအံ့တသြ ငေးကြည့်လို့....။
++++++++++
သစ်ခက်အိမ်
April,2013... ရွှေအမြုတေမဂ္ဂဇင်း

Sunday, December 23, 2012

ပါးကွက်ကြားမလေး







ပါးကွက်ကြား မလေးကို ထားခဲ့လို့ မရတော့မှန်း
ခင်ဗျား သိပါတယ်။

ပါးကွက်ကြား မလေးရဲ့ အသွေးအသားကို
မသောက်မစား မယစ်မမူး ခဲ့ပါဘူးလို့ ကျိန်ဆို ကြည့်ဖို့ 
မကြိုးစား လိုက်ပါနဲ့
ခင်ဗျား ကိုယ်ထဲက မိုးကြိုးသွား တစ်စင်း ဖောက်ထွက်လာ လိမ့်မယ်။
တကယ်တော့ ပါးကွက်ကြား မလေးကို
ခင်ဗျားပေး ခဲ့တဲ့ ရဲရဲတောက် ကတိ သစ္စာတွေဟာ
စပါတာ ကပ်ခေတ်ရဲ့ အဆင် အသွေးကို အယိမ်း အနွဲ့ယူ 
မိတ္တူ ဆန်ခဲ့တယ်။
ပါးကွက်ကြား မလေးရဲ့ မျှော်လင့်ချက် ခြေလှမ်းအောက်က
မြေဆိုင် မြေသားတွေနဲ့ ခင်ဗျားရဲ့ ခမ်းနား ထည်ဝါမှုကို 
အဆောက်အဦ ဖွဲ့ခဲ့တယ်။
ခင်ဗျားရဲ့ ဂဏန်းပေါင်းစက် ပေါ်က အက္ခရာ နံပါတ်တွေရဲ့ 
မှော်ဝတ်ရုံထဲ ပါးကွက်ကြား မလေးရဲ့ အနှစ်အသား တွေကို 
မျက်လှည့် ဆန်ဆန် တန်ဖိုးဖြတ် ခဲ့တယ်။

ပါးကွက်ကြား မလေးရဲ့ ရိုးရှင်းတဲ့ ရိတ်သိမ်းမှု တွေကို
ခင်ဗျားက သူမရဲ့ မျက်စိတစ်ဆုံး ကိုကျော်ပြီး ခင်ဗျားကိုယ် ခင်ဗျား ထုပ်ပိုးခဲ့တယ်။

ခင်ဗျား ကိုယ်ထဲက ထထတောက်တဲ့ ရမ္မက် မီးတောက် တွေကလည်း
ပါးကွက်ကြား မလေးရဲ့အိမ်က လင်းကြက် တွန်သံကို ဘယ်တုန်းကမှ မစောင့် ခဲ့ဘူး။

ပါးကွက်ကြား မလေးရဲ့ ရိုးစင်းတဲ့ အသွဲ့အနွဲ့ ကိုတောင်
ခင်ဗျားရဲ့ အငယ်အနှောင်း နေရာမှာ အိမ်မဆောင်ခဲ့ မီးမပြောင် ခဲ့ဘူး။

ယုတ်စွအဆုံး
အသက်ရှု ကွဲခြင်း ဆိုတဲ့ စက်မှု ခေတ်ဦး ပုပ်သိုး သီအီုရီလို 
ခင်ဗျားနဲ့ သူမရဲ့ကြားက စည်းရိုးကို သံမဏိကြိုး နဲ့ရက်ဖို့ 
ကြိုးစား ခဲ့တယ်။
အခုတော့ ပါးကွက်ကြား မလေးဟာ ခင်ဗျား စိတ်တိုင်းကျ 
မုန်တိုင်း ဆင်ခဲ့တဲ့ အိုင်လေး တစ်ခုလို
ပါးကွက်ကြား မလေးရဲ့ ကျောက်ပေါက် မာတွေကို
ခင်ဗျားရဲ့ နီယွန် မီးရောင်တွေနဲ့  ဖာထေးလို့ မရတော့ဘူး။

ပါးကွက်ကြား မလေးရဲ့ အသားညို မောင်းမောင်းမှာ 
ခင်ဗျား တင်သွင်း ချွေးသိပ်ထားတဲ့ 
တန်ဖိုးနည်း မိတ်ကပ်တွေ မစွဲတော့ဘူး။
ပါးကွက်ကြား မလေးရဲ့ မြန်နှုန်းမြင့် အသက်ရှုသံကို
ခင်ဗျားရဲ့ ဘယ်ခေတ်မီ ဆေးဝါးနဲ့မှ အရည်ဖျော်ချ လို့မရတော့ဘူး။

ခင်ဗျားဆီက ကူးစက်ခံ ရတဲ့ ဗိုင်းရပ်စ်တွေ ကြောင့်
ပြောင်းပြန်စီး နေတဲ့မိရိုးဖလာ တွေကို
ခင်ဗျား တံတွေး တစ်ချက် ကလေးတောင် မမြိုချ နိုင်တော့ဘူး။

ပါးကွက် ကြားမလေးရဲ့ ဖြစ်တည် ရှင်သန်မှုဟာ
ခင်ဗျားနဲ့ ခင်ဗျားရဲ့ လက်ခမောင်း ခတ်ဖော်ခတ်ဖက် 
တာကြောင်တွေရဲ့
မီးသင့် လောင်နေတဲ့ ချောင်တစ်ချောင်မှာ
ကျားနာမလေး တစ်ကောင်ရဲ့ မာန်ဖီသံ တွေနဲ့
ခင်ဗျားဂုတ်ပေါ် ခင်ဗျားကိုယ်တိုင်
တစ္ဆေတစ်ကောင် ခွစီး ထားသလို
ပါးကွက်ကြား မလေးရဲ့
နာနာကျင်ကျင် အကြည့်စိမ်းစိမ်း တွေနဲ့
ခင်ဗျား တစ်ဖက်သတ် ရေးဆွဲထားတဲ့ သဘောတူ စာချုပ်ထဲက
ခင်ဗျားရဲ့ မော်ကွန်း
ခင်ဗျားရဲ့ ၀ိညာဉ်
ခင်ဗျားရဲ့ နှလုံးသား
အားလုံးရဲ့ အသက်ဝင် ဂုဏ်မြောက် မှုတွေကို
ခေတ်တစ်ခေတ်ရဲ့ ကန့်လန်ကာ အဖွင့်မှာ
ကာလ ကြာဝှက် ထားခဲ့ရတဲ့
သူမရဲ့ လက်သည်းချွန် တွေဟာ
အသင့် အနေအထား နဲ့ပေါ့။

ဒီလိုနဲ့ ပါးကွက်ကြား မလေးရဲ့ စည်းချက် မမှန်တော့တဲ့
နောက်ခံ ဂီတ နှလုံးခုန်သံမှာ
ခင်ဗျားရဲ့ မီးရောင်အောက်က ကကြိုး ကကွက်တွေ ကစဥ့်ကလျား။

ခင်ဗျားရဲ့ နုပျိုသစ်လွင် လာရမဲ့ အဆီ အသွေးတွေဟာ
သက္ကရာဇ် တွေရဲ့ ချည်နှောင်ခံ ထားရမှုမှာ အရောင်တွေ မှိန်ဖျော့လို့။
ခင်ဗျားရဲ့ လက်မ ထောင်နိုင်မှု ဂုဏ်သိက္ခာဟာလည်း 
လက်ညှိုးထိုး ကဲ့ရဲ့ခြင်း ဒဏ်ရာ ဒဏ်ချက် တွေနဲ့ပေါ့။

တစ်ခုတော့ဗျာ
သံယောဇဉ် လက်ကျန် သင်္ကေတလေး ဖြစ်လေမလား
ပါးကွက်ကြား မလေးရဲ့
ပါးကွက်ကြား ပေါ်မှာ
မျက်ရည်မြစ်လေး တစ်စင်း
စီးဆင်းနေ သေးရဲ့။

အဲဒါ ခင်ဗျားရဲ့ ကန္တာရ ဆန်ဆန် အရောင်လွင့် လာတဲ့ ရာသီဥတုထဲက
နောက်ဆုံး အိုအေစစ်လေး တစ်ခုပဲ။
ခင်ဗျားရဲ့ အဆုံးစွန်ရိုးသားမှုနဲ့ တည်ဆောက်ထားတဲ့ 
ညှို့ငင် ဆွဲယူနိုင်မှု။
ခင်ဗျားရဲ့ အပျော့၊ အပြောင်း၊ အချွဲ၊
အနွဲ့၊ အချော့၊ အမြှူ နည်းဗျူဟာ မြောက်မှု တွေရဲ့
နောက်ဆုံး မျှော်လင့်ချက် နောက်ဆုံး အခွင့်အရေး တစ်ခုပဲ။

ကျန်ရစ် နေနိုင်သေးတဲ့ လက်ကျန် သံယောဇဉ် ကြိုးလေးကို
ခင်ဗျားရဲ့ အတ္တတွေ ထဲက ဖဲ့ပြီး
ဒါ လက်ကျန် သံယောဇဉ် ကြိုးလေးပါလို့
သူမ ကြားနိုင် လောက်တဲ့ ဘာသာ စကားကို ရှာဖွေရင်း 
သူမ မြင်နိုင် လောက်တဲ့ ပုံရိပ် တစ်ခုကို ထုဆစ်ရင်း
အချိန်ကာလ တစ်ခုကို ခင်ဗျား စိုက်ပျိုးထား ရလိမ့်မယ်။

ပါးကွက်ကြားမလေးရဲ့ မျက်ရည် တွေကြားက
အပြုံးလေး တစ်ခု ဖူးပွင့်လာတဲ့ ထိပေါ့။
ပြီးရင်တော့
ခင်ဗျားနဲ့ ခင်ဗျားရဲ့ အသိုင်းအ၀ိုင်းက
ဘယ်လိုဘဲ သဘော မတူ၊ မတူ
ခင်ဗျား သူ့ကို လက်ထပ်ယူရ လိမ့်မယ်
ခင်ဗျားတို့ မင်္ဂလာပွဲမှာ
ခင်ဗျား ကိုယ်တိုင် သီဖွဲ့ထားတဲ့
“နင်ဟာ ငါ့ဘ၀”ဆိုတဲ့
အခါတော်ပေး သီချင်းလေး ဖွင့်ပြီး တော့ပေါ့။ ။

သစ်ခက်အိမ်
(ဆင်းရဲမွဲတေမှု ပပျောက်ရေးမှ ဆင့်ပွား ခံစား ရေးဖွဲ့သည်။)
(Teen မဂ္ဂဇင်း ဒီဇင်ဘာလ ၂၀၁၂)


Last Updated on Thursday, 13 December 2012 17:33
 

Wednesday, November 7, 2012

လိုနေတာ....စစ်...စစ် စစ်


 



ကမ္ဘာကြီးရေ....

ကမ်းဝေးနေတဲ့ မျှော်လင့်ချက် မျက်စိတဆုံးမှာ
ငြိမ်ချမ်းရေးဟာ..ဂုဏ်သိက္ခာရှိတဲ့ စစ်ပွဲတွေတည်တဲ့ ကမ်းကို အရေးတကြီးရှာဖွေဆိုက်ကပ်ဖို့ လိုနေပြီလား





ဒီကမ္ဘာကြီးမှာက..
ကိုယ်ယုံကြည်ရတဲ့မိတ်ဆွေတစ်ယောက်ဆီ
ကမ်းလိုက်တဲ့ ကိုယ့်ရဲ့လက်ကိုတောင် ကိုယ်တိုင်ယုံကြည်ရတော့လို့လား
တစ်ယောက်နဲ့တစ်ယောက်..
တစ်ဖွဲ့နဲ့တစ်ဖွဲ့..တစ်နိူင်ငံနဲ့တစ်နိူင်ငံ
တစ်ဖက်နဲ့တစ်ဖက် ရဲ့အဆက်အသွယ်ကွန်ယက်ထဲ
သံသယမိုးတွေသည်းနေတဲ့ ကမ္ဘာကြီးမှာ
ဘာကိုယုံလို့ရတော့မလဲ....
တစ်ယောက်နဲ့တစ်ယောက် မျက်နှာဖုံးတွေတပ်ထားမှ
တစ်ယောက်ကိုတစ်ယောက် ပွေ့ဖက်ခွင့်ရနိူင်မဲ့ ကမ္ဘာကြီးပါ
တစ်ယောက်နဲ့တစ်ယောက် က...
အရှေ့မှာတော့လန်းပြီး အနောက်ကနေဖမ်းတယ်
အနောက်ကနေခြောက်ပြီး ဘေးဖက်ကနေဖေါက်တယ်
ဘေးကနေ၀ိုက်ဟန်ပြပြီး ရှေ့ကနေတိုက်ပြန်ကြတယ်..
ကွေ့ကောက်ရှုပ်ထွေးနေတဲ့ မြားဦးတွေရဲ့
လာရာ လားရာ ဗျူဟာမြောက်မှုမှာ..
အပေးအယူရဲတဲ့ စားပွဲခုံအောက်ကလက်တွေ
ပုခုံးကိုဖက်ထားတဲ့လက်တွေ...ကျောကိုထောက်ထားတဲ့ဓါးတွေ
ကျောချင်းကပ်ထားပြီး မျက်တွယ်ယူကျည်ဖြည့်နေတဲ့သေနတ်တွေ
စာချုပ်စာတမ်းထဲညပ်သွားတဲ့ အသက်တွေ
သွေးပြန်ကြောတွေမှာ မစားရ၀ခမန်း ငါးစာတပ်ပြီး
သွေးလွှတ်ကြောတွေရဲ့အဆီအသားတွေကို မြားနေကြတဲ့ ဗိုင်းရပ်(စ်)တွေနဲ့
ဘယ်ဟာ အစစ်အမှန်လို့ဆုပ်ကိုင်လို့မရတော့တဲ့
အရိပ်မဲတွေယိမ်းထိုးနေပုံက..
ရင်ဘတ်ကိုဖွင့်ကြည့်စရာမလိုတော့တဲ့ကမ္ဘာကြီး..
အစစ်ကိုရှာဖွေမိတဲ့ သူကိုတောင် အတုစစ်စစ်တွေက
လက်ညိုးငေါက်ငေါက်ထိုးပြီး ဟားတိုက်ရယ်မောခံနေရတဲ့ ကမ္ဘာကြီးပါ
အယောင်ဆောင် အတုတောင် အတုစစ်စစ်ဟုတ်ရဲ့လားလို့
စစ်မစစ်ပြန်စစ်နေရတဲ့..ကမ္ဘာကြီး
ဘူမိနက်သန် ကမ္ဘာကြီးကရော..ကမ္ဘာ စစ်စစ်မှဟုတ်သေးရဲ့လား။



ဒါလားကွစစ်ပွဲ..
ခင်ဗျားရဲ့ ကချိုး ကကွက်တွေအားလုံးကို
ခြေထောက်ကနေရိုတ်ချိုး ပစ်လိုက်ဖို့...
ဇတ်ဝင်ခန်းပြောင်း ကန့်လန့်ကာတစ်ခုကို အလံတစ်ခုလိုလွှင့်ထူရင်း
အလိုက်သင့်တီးခတ်လိုက်တဲ့ နှလုံသားရဲ့ တေးသွားက"ငြိမ်းချမ်းရေးတဲ့ "
ဆူပွက်ရုန်းကြွလာတဲ့ အာရုံတွေ၇ဲ့နှိုးဆွမှုမှာ
လက်သီးဆုပ်ထဲကို ကြွေးကြော်သံတွေထည့်ပြီး
ရင်ကိုဖွင့်ထားလိုက်မယ်.....
လာကြစမ်း... စစ်ကိုသယ်ဆောင်လာတဲ့ .. ကျည်ဆံတွေ
လာကြစမ်း... စစ်ကိုသယ်ဆောင်လာတဲ့ .. ကျည်ဆံတွေ
.................စစ်ကိုသယ်ဆောင်လာတဲ့ .. ကျည်ဆံတွေ
ခင်ဗျားရဲ့..သော့သွမ်းသွေးကြွမှုကနေ ကျကြွင်းတဲ့..ငါ့ရဲ့

အသွေးအသားတွေနဲ့ ..စစ်မှန်တဲ့ ငြိမ်းချမ်းရေးရဲ့လမ်းကိုခင်းမယ်

အရိုးအရွတ်တွေနဲ့....စစ်မှန်တဲ့ ငြိမ်းချမ်းရေးရဲ့ တံတားကိုဆောက်မယ်

သွေးစက်တွေနဲ့...စစ်မှန်တဲ့ ငြိမ်းချမ်းရေး လမ်းကို ကမ္ဗည်းထိုးမယ်..။


ငြိမ်းချမ်းရေးရဲ့ ရဲဝံ့တဲ့လက်ခမောင်းခတ်သံမှာ..
အနားကဖြတ်ပျံသွားတဲ့ ကျည်ဆံတွေကပြောသွားတယ်


" ခင်ဗျားကို ဘယ်တော့မှမှန်မှာ မဟုတ်ဘူး

ဒါ..စစ်ပွဲအတု " ....တဲ့

"ကမ္ဘာကြီးရဲ့ မှော်ဝတ်ရုံ ကျားကွက်အရွှေ့အပြောင်းထဲက

ပဉ္စလက်ဆန်တဲ့ စစ်ပွဲအတု တဲ့"

အဲဒီ...စစ်ပွဲအတုရဲ့ မထိမှန်တဲ့ ကျည်ဆံတွေနဲ့ကျမှ
ငြိမ်းချမ်းရေးဟာ..အမှန်တကယ်ကျဆုံးသွားတယ်....။


သူ့ရဲ့ နောက်ဆုံးထွက်သက်ထဲမှာတော့
အနာဂါတ်ငြိမ်းချမ်းရေး မျိုးဆက်သစ်တွေအတွက်
စကားလုံးတချို့ ကခုန်ပြီး ကျန်ရစ်ရဲ့.....

" စစ်မှန်တဲ့ငြိမ်းချမ်းရေးတစ်ခု မွေးဖွားသန့်စင်လာဖို့

စစ်ပွဲ စစ် စစ် တွေလိုတယ်တဲ့ "


ကဲ...ကျွန်တော်တို့ ..
သူ့ရဲ့ကြွင်းကျန်ရစ်တဲ့..စကားလုံးရုပ်ကလပ်မှာ
ကျွန်တော်တို့အလံတော် အုပ်မိုးပြီး....အလေးပြုမလား၊
ဒါမှမဟုတ်.....
ကမ္ဘာမှာ ဖြစ်ပွားနေတဲ့စစ်ပွဲတွေအားလုံးဟာဟာ..စစ်ပွဲ စစ် စစ်တွေပါလို့
ပြဌာန်းပါစာအုပ်ကို ပြန်လှန်ပြီး အတည်ပြုချက်ပြန်ရှာဖွေကြအုံးမလား၊

သေချာတာတစ်ခုကတော့..
တစ်စုံတစ်ခု အတည်ပြုချက်မရမချင်း..
ကျွန်တော်တို့အားလုံး......အဲဒီစကားလုံးတွေကို ဈာပနပွဲကျင်းပဖို့
ပြန်တမ်းမထုတ်သင့် သေးဘူးဆိုတာပဲ.....



" စစ် မှန် တဲ့ ငြိမ်း ချမ်း ရေး တစ် ခု မွေး ဖွား သန့် စင် လာ ဖို့

စစ် ပွဲ စစ် စစ် တွေ လို တယ် " ...တဲ့


ကဲ...ခင်ဗျားတို့ကော .. ဘယ်လိုထင်လဲ.. ဗျာ..။ ။





သစ်ခက်အိမ်..(၂၁.၉.၂၀၁၂)

Sunday, September 9, 2012

နံရံ

 

ဒီနံရံဟာ
ဘယ်လောက်ထူလဲဆိုတာ
ကျွန်တော်မသိဘူ့း

မြို့ခလေးကိုမေးတော့

ငါးမျှားတယ်ဆိုတာ
အိုင်ပက်ထဲက ဂိမ်းတစ်ခုပဲတဲ့။

တော ခလေးကိုမေးကြည့်လိုက်တော့

အိုင်ပက် ဆိုတာ
အိုင်ကိုပက်ပြီး ငါးဖမ်းတာလာ့းတဲ့။

သူတို့နှစ်ယောက်လုံး

ပြုံးပြီးဖြေခဲ့တာပါ့
ဒါပေမဲ့
့။


သစ်ခက်အိမ်

Thursday, August 30, 2012

ငွေ့ရည်ဖွဲ့ ကျိန်စာ



ဒြပ်ထုမဲ့ အတ္တဖွဲ့တွေရဲ့ ဖိအားပြင်းကခုန်မှုမှာ
တရားဝင်လူသတ်သမားနဲ့
ငါ့နှုတ်ခမ်းကို စီရင်ခဲ့ရတဲ့ရာသီများ....
ပျံတက်သွားတဲ့မီးခိုးငွေ့တွေဟာ
ငါ့ဇီဝသက်တမ်းတွေဆို..
တိမ်တွေငိုချလိုက်တာ..ငါ့မျက်ရည်တွေပဲ..

ကဲ..ခင်ဗျားတို့ စိုက်ခင်းတွေထဲ
မိုးတွေသဲလာပြီ..။  ။



သစ်ခက်အိမ်

Thursday, August 23, 2012

ထီးနှင့်လူများ


 


လုပ်ရက်ပါ့ကိုရွှေမိုး
အငြိုးနဲ့ရွာ။

ကျွန်မမှာထီးမပါ
စိုပါပေါ့လား
အနားမှာစိုမှာစိုးသူတို့
မိုးလွတ်ရာသွား။
ရွှေမိုးကိုအံခဲ
တစ်ကိုယ်ထဲလျှောက်အလာ
နေသာလာပါပေါ့
ဒီတော့မှ..
သူ့ထက်ငါထီးလာမိုးတယ်
ဆိုး..တဲ့လူများ။ ။

သစ်ခက်အိမ်

Saturday, July 14, 2012

အတွေးစာစု(၁)




" လူနှစ်ယောက် "

လူမိုက်တွေရဲ့
ယဉ်ကျေးမှုအထွဋ်အထိပ်ဟာ
ဥပဒေဖြစ်ပြီး..
လူလိမ္မာတွေရဲ့
အထွဋ်အထိပ် ဥပဒေဟာ
ယဉ်ကျေးမှုဖြစ်တယ်။



သစ်ခက်အိမ်